Xiroki Abe: "Barselona" men uchun yangi qadam bo'ladi

20 yoshli hujumchi 2017 yildan beri "Kashima Antlers" safida harakat qilib kelayotgandi. Endilikda u "Barsa" tarkibida o'zini ko'rsatishga harakat qiladi. Ispaniya klubi bilan shartnoma imzolagach, Abe shunday dedi: 

- "Men so'nggi ikki yarim yilni "Kashima Antlers"da o'tkazdim. Professional futbolchi sifatida yanada o'sishni xohlayman, shu bois "Barselona"ga yo'l olyapman. Bu qarorga kelish oson bo'lmadi, chunki "Kashima" o'z oilamdek bo'lib qolgandi. Endilikda o'zimni Evropada sinab ko'rmoqchiman. O'ylaymanki, bu borada "Barselona" men uchun yangi qadam bo'ladi".