Xitoy Olimpiya qo'mitasining ispan sportchilariga sovg'asi

– Biz Xitoy Olimpiya qo'mitasining hozirgi vaqtda bizga bag'rikenglik namunasini ko'rsatganidan juda minnatdormiz, – dedi Ispaniya Olimpiya qo'mitasining prezidenti Alexandro Blanko. – Bu pandemiya davom etayotgan bugungi kunda daryodan tomchidek tuyulsa ham ularning bu himmati juda yuqori baholanishi kerak.

Alexandro Blankodan COVID-19 pandemiyasi davom etayotgan hozirgi paytda sport olami qanday qilib o'ziga kelishi mumkinligi haqida so'rashganida, sportchilarning salomatligidan xavotirda ekanligini, bu qanday davom etishini ehtiyotkorlik bilan kuzatayotganligini bildirdi.

Xitoy Olimpiya qo'mitasining Ispaniya Olimpiya qo'mitasiga hayriyasi Xalqaro olimpiya qo'mitasining sobiq prezidenti Xuan Antonio Samaranch jamg'armasining ko'maklashuvi bilan amalga oshirildi.

– Xitoy Olimpiya qo'mitasi Ispaniya sportidagi vaziyatdan tashvishda ekanligini anchadan beri bildirib kelayotgan edi, – deydi Xuan Antonio Samaranch jamg'armasining rahbari kichik Samaranch.

Kichik Samaranch, shuningdek, Xitoy Olimpiya qo'mitasining Ispaniya Olimpiya qo'mitasiga hayriyasi ispan sportchilariga niqob sovg'a qilish orqali ular salomatligini himoyalash maqsadini ko'zlaganligini alohida takidladi.

Malumki, Ispaniya koronavirusga chalinganlar soni bo'yicha hozir jahonda AQSHdan keyin ikkinchi, Evropada esa birinchi o'rinni egallab turibdi. 20 apreldagi rasmiy malumotlarga ko'ra, Ispaniyada koronavirusga 200 ming 210 kishi chalingan, bu infekciyadan 20 ming 852 kishi vafot etgan.