Xivada "Pahlavon Mahmud - Bahodirlar o'yini" musobaqasi boshlanmoqda + FOTO

Tadbir O'zbekiston Respublikasi Turizm va madaniy meros vazirligi, Butunjahon strongmenlar federaciyasi (World Strongmen Federation, WSF) hamda Xorazm viloyati hokimligi bilan hamkorlikda o'tkazilmoqda. 

Turnir nafaqat yorqin sport tadbiri, balki ham ichki, ham tashqi  turizm rivojiga hissa qo'shuvchi voqea bo'lmoqda. shuningdek, pandemiyadan eng ko'p zarar ko'rgan turizm sektorini qayta tiklashda ham turnirning ahamiyati yuqori.

Xiva bunday musobaqani o'tkazish joyi sifatida bejiz tanlangani yo'q, bu qadimiy shahar XIII asrda Xorazmda tug'ilib, atoqli faylasuf, shoir, va polvon sifatida shuhrat qozongan afsonaviy shaxs – Paxlavon Mahmudning Vatanidir. Rivoyatlarda Paxlavon Mahmud umri davomida bor-yo'g'i bir jangda mag'lub bo'lgani keltiriladi. 

Turnirning Pahlavon Mahmud vatanida o'tkazilishi O'zbekistonning boy va serqirra madaniy merosi jahon miqyosida etirof etilishini ham anglatadi. Turnir Butunjahon strongmenlar federaciyasi bilan hamkorlikda o'tkaziladi. Xalqaro tadbir 2019 yilda ilk bor Xivada o'tkazilgan edi. 

Turnirga dunyoning 14 davlatidan, jumladan,  Braziliya, Yangi Zelandiya, Italiya, Ispaniya, Franciya, Ozarbayjon, Qozog'iston, Eron, Hindiston, Polsha, Yaponiya, Tojikiston va O'zbekistondan 15 nafar eng kuchli sportchi ishtirok etmoqda. Yaniki, ularni ko'hna va hamisha navqiron Ichan Qala birlashtirmoqda. 

Ular 7 yo'nalish bo'yicha bellashadi. Turnir ishtirokchilarining Paxlavon Mahmud qabridan bosh darvoza oldidagi maydonga qadar yurib, ochilish marosimiga kelishadi. Marosimda nogironligi bo'lgan shaxslar o'rtasida sportni rivojlantirish maqsadida paralimpiya chiqishlari bo'lib o'tadi. O'zbekiston Bahodirlar o'yini va tosh ko'tarish federaciyasi chiqishlari ham bo'lib o'tadi.

Turnir davomida sportchilar quyidagi musobaqalarda o'z kuchlarini sinab ko'rishadi: 

- og'ir qoplarni qo'qon aravaga ortish va uni malum masofaga olib borish; 

- og'irligi 120 dan 160 kilogrammgacha bo'lgan "Sangijumon" toshlarini ko'tarish;

 -obkachni kuch bilan ko'tarish; 

- lokomotiv tortish;

- langar tortish;

- Xiva ustunlarini ushlab turish;

- qilichlarni vertikal ushlash.

Taqdirlash marosimi esa O'zbekiston Respublikasi Turizm va madaniy meros vaziri – A. Abduhakimov, Xorazm viloyati hokimi – F.Ermanov, Butunjahon Strongmen federaciyasi Prezidenti – R.Djuraev ishtirokida bo'lib o'tadi. 

Biroz avval musobaqa ishtirokchilari o'rtasida miting tashkil etildi. Endi navbat asosiy bahslarga!

Musobaqadan dastlabki fotogalereyani tomosha qiling.