Xokkey bo'yicha Qozog'iston chempionati-2025 yakunlandi, "Arlan" musobaqa g'olibi, bronza medallarini qo'lga kiritishi mumkin bo'lgan "Humo"ni esa "chopishdi"

Final bellashuvida "Arlan" ketma-ket to'rtta uchrashuvda "Torpedo" ustidan g'alaba qozonib, musobaqa chempioniga aylandi. "Torpedo" yarim final bosqichida Toshkentning "Humo" klubidan ustun kelgandi. "Arlan" esa final yo'lida "Sariarka"ni mag'lubiyatga uchratgan edi.

Etiborlisi, yarim finalda mag'lub bo'lgan "Sariarka" va "Humo" chempionatning bronza medallari uchun o'zaro o'yin o'tkazishi kerak edi. Lekin Qozog'iston chempionati reglamentiga ko'ra, xorijiy klub sovrindor o'rinlarni egallay olmas edi, "Humo"da faqatgina chempionatda g'olib bo'lish yoki kubokda zafar quchishi imkoniyatigina bor edi.

SHu munosabat bilan, chempionatda uchinchi o'rin uchun bellashuv tashkil etilmadi va o'z-o'zidan Qarag'andaning "Sariarka" klubiga bronza medallari taqdim etildi.