Xokkey. Qozog'iston chempionatining ilk finalchisi nomi malum bo'ldi

Xokkey bo'yicha Qozog'iston Pro-Ligasining yarim final bosqichidan o'rin olgan "Sariarka" hamda "Nomad" jamoalari o'rtasidagi o'yinlar seriyasi yakunlandi. Seriyada 4:1 hisobida "Nomad" jamoasi g'alaba qozondi va ilk finalchiga aylandi.

Yarim finalning boshqa juftligida esa O'zbekistonning "Humo" jamoasi "Beybaris"ga qarshi o'ynamoqda. Hozircha seriyadagi hisob 3:1, "qanotlilar" foydasiga. Bugun seriyadagi beshinchi o'yin doirasida "Humo" Toshkentda "Beybaris"ni qabul qiladi. Ehtimoliy so'nggi uchrashuv 17:00 da start oladi.