XOQ Olimpiadaga yo'l olgan rossiyaliklarni qo'shimcha tekshiruvdan o'tkazadi

Bu haqida XOQning munosabatlar bo'yicha direktori Mark Adams aytib o'tdi. 

"Biz ruxsatnoma qoidasini o'rnatdik. Xalqaro sport federaciyalari o'z musobaqalaridagi sportchilar uchun javobgar bo'ladilar. Biz esa o'z tadbirimizga javobgarmiz. SHuning uchun, sportchilarni musobaqaga qo'yish jarayonini diqqat bilan o'rganish lozim. 

Agar jarayon haqida gapirsak, faqatgina umumiy jihatlarni aytishim mumkin. Biz XOQ qoidalariga amal qilamiz. Parij Olimpiadasiga saralashdan muvaffaqiyatli o'tgan sportchilar neytral maqomda ishtirok etishlari uchun qo'shimcha tekshiruvlardan o'tkaziladi", - dedi Adams.

Eslatib o'tamiz, avvalroq rossiyalik sportchilar Parij Olimpiadasida neytral maqomda ishtirok etishi haqida xabar qilingandi.