Xulen Lopetegi: “Istefo? Biz peshqadamdan 3 ochkoga ortda qolyapmiz”

Lopetegi “Qirollik klubi”ga omad etishmayotganini takildadi. “Real” so'nggi to'rtta o'yindan beri raqib darvozasini ishg'ol qila olmayapti. 

“Biz xayratdamiz. Uchrashuvni yaxshi boshladik, ko'plab vaziyatlarni yuzaga keltirdik. Lekin bu vaziyatlarni golga aylantira olmadik. Omad bizdan ochiqchasiga yuz o'girdi. Bugun mag'lubiyatga loyiq emasdik. 

Istefo? Men bu haqda o'ylamayapman. Qoniqarsiz natijalarga qaramay, biz peshqadamdan bor yo'g'i uch ochkoga ortda qolyapmiz. Hali gollar ham, buning ketidan g'alabalar ham bo'ladi. Hozircha shunday “qora yo'lakcha”ga tushib qolganmiz. Lekin biz albatta yorug'likka chiqamiz”, - dedi Lopetegi. 

Malumot uchun, “Real” karvonboshi “Barselona”dan 3 ochkoga ortda qolmoqda. Ernesto Valverde shogirdlari bugun safarda “Valensiya” jamoasi mehmoni bo'lishadi. Agar kataloniyaliklar g'alaba qozonishsa, farq 6 ochkoga etadi.