16 avg 19:16
Yangiliklar

Osiyo o'yinlari

Xushxabar. “Sport” telekanali Osiyo o'yinlarini namoyish etadi!

Yurtimizdagi sportga ixtisoslashgan yagona - “Sport” telekanali Indoneziyaning Jakarta va Palembang shaharlarida bo'lib o'tayotgan Osiyo o'yinlarini jonli ravishda efirga uzatadi.

Bugun telekanal rasmiylari o'tkazilgan muzokaralardan so'ng ushbu imkoniyatni qo'lga kiritishdi. Kelishuvning ilk natijasi sifatida ayni daqiqalarda futbol bo'yicha O'zbekiston va Qatar terma jamoalari o'rtasidagi o'yin to'g'ridan-to'g'ri namoyish etildi.

SHuningdek, o'yinlar parallel to'g'ri kelib qolgan holatda MTRKning UZ HD kanalida ham futbol translyaciyasi efirga uzatiladi. Oldinda ko'pchilik intiqlik ila kutayotgan boks, og'ir atletika, sport kurashlari, dzyudo kabi sport turlari ham borki, ularni ham “Sport” telekanali jonli efirda etiboringizga havla qiladi.

SHunday ekan, “Sport”dan uzoqlashmang. Ikkinchi sentyabrgacha katta sport bayramini “Sport” telekanalida kuzatib boring.