“XVIII Tashkent Open” xalqaro shaxmat turniridan kim qancha ishlab oldi? (+FOTO)

O'z tarixida 18-marotaba o'tkazilgan, mukofot jamg'armasi 75 000 AQSH dollarini tashkil qilgan turnirda 10 imkoniyatdan 8 ochko jamg'argan hindistonlik grossmeyster Nihal Sarin bosh sovrinni qo'lga kiritdi. Musobaqaning birinchi tartib raqamli shaxmatchisi bo'lgan Nihal chempionlik bilan birga 20 000 dollar mukofot puliga ham ega chiqdi. 

Etti yarim ochko to'plab, qo'shimcha ko'rsatkichlarga ko'ra 2-o'rinni egallagan vengriyalik grossmeyster Sanan Syugirov (2631) 10 000, shuncha ochkosi bor hindistonlik Puranik Abhimanyu (2636) uchinchi o'rin uchun atalgan 7 000 AQSH dollarini o'z hamyoniga qo'shib qo'ydi. 

Afsuski, sovrindorlar kabi 7,5 ochko to'plagan SHamsiddin Vohidov qo'shimcha koeficentlarga ko'ra 5-o'rin bilan kifoyalandi. Yosh grossmeysterimiz turnirda ikkinchi raqamli shaxmatchi sifatida tasniflangan edi. U 10 kunlik ishtirokidan 3000 dollar ishlab oldi. 

Umuman olganda, Top-15`talikdan joy olgan shaxmatchilar turli miqdorda mukofot pullariga ega bo'lishdi. Yosh shaxmatimiz Humoyun Begmuratov (2430) 7 ochko bilan qo'shimcha ko'rsatkichlarga ko'ra 9-o'rinni band etdi va eng muhimi, u xalqaro grossmeyster talabini bajardi. Humoyun 1000 dollar mukofot pulini ham qo'lga kiritdi. "A" guruhida 1-15 o'rinni egallagan shaxmatchilarga umumiy hisobda 53 700 dollar mukofot puli taqdim etildi.   

Musobaqaning "V" guruhida sovrinli o'rinlar egalagan uch shaxmatchi 10 imkoniyatdan 8 ochkodan to'plashdi. Qo'shiimcha koeficentlarga ko'ra hamyurtimiz Muhammadsolih Rahmatullaev turnir g'olibiga aylandi. U "V" guruhi chempioni sifatida 2500 dollar mukofot pulini ham qo'lga kiritdi. Ikkirchi o'rinni egallagan ozarbayjonlik Emil Mehraliev 2000, uchinchi o'rinni band etgan shaxmatchimiz Rustambek Erkinov 1800 dollarga boyib oldi. 

SHuningdek, har ikki guruhda qo'shimcha nominaciya sifatida o'smirlar, yoshlar, kattalar, ayollar va faxriylar uchun ham mukofot pullari taqdim etildi.