Yadong Usman Nurmagomedovning harakatlariga munosabat bildirdi

Xitoylik aralash yakkakurash ustasining dog'istonlikka nisbatan hech qanday davosi yo'q.

"Men bu odam qaerdan paydo bo'lganini ham tushunmadim – u shunchaki ro'paramda paydo bo'lib, yo'limni to'sdi. Keyin u meni biroz turtib yubordi, shuning uchun men uni chetga surib, yo'limda davom etdim. Ammo takroriy lavhani sekinlashtirilgan rejimda ko'rganimda, u xuddi tirsagi bilan meni urmoqchi bo'lgandek yoki shunga o'xshash biror narsa qilmoqchi bo'lgandek tuyuldi. Aslida esa men uni tushunaman, chunki ular aka-uka.

Jangdan oldin ular menga, men esa ularga nisbatan hech qanday adovatda emasdik. Hech qanday yomon so'zlar, haqoratlar yoki shunga o'xshash narsalar bo'lmagan. SHuning uchun internetda yozilganidek, u qasddan menga hujum qilmoqchi bo'lgani haqidagi gaplar haqiqatdan yiroq. U shunchaki men unga hujum qilgani yugurib kelyapman deb o'ylagan. U ukasining ahvolini ko'rish uchun yugurib chiqdi va to'satdan kimdir to'g'ri uning ustiga yugurib keldi. Albatta, bunday vaziyatda har kim shunday munosabat bildiradi. Sekinlashtirilgan lavhada hamma uning ko'zlari yumilganini ko'rishi mumkin", – dedi Song BiliBili nashriga bergan intervyusida.

Usman Nurmagomedovning o'zi ham shunga o'xshash bayonot berib, agar haqiqatan ham xitoylik jangchini urmoqchi bo'lganida, buni amalga oshirgan bo'lishini takidladi.

SHanxaydagi UFC Fight Night 286 turnirida rossiyalik raqibini ikkinchi raundda nokautga uchratgan Song Yadong tashkilotning engil vazn toifasi meta-reytingida uch pog'onaga ko'tarilib, uchinchi o'rinni egallab turibdi. Umar Nurmagomedov esa ikkinchi o'rindan beshinchi o'ringa tushib ketdi.