Yana bir hamyurtimiz UFCga o'tishga yaqin turibdi

Tez orada dunyoning eng kuchli ligasi bilan yana bir yurtdoshimizning shartnoma imzolashi kutilmoqda. Gap Bellator promoushenida o'z janglarini o'tkazib kelayotgan Zarruh Adashev haqida ketmoqda. 

"Keyingi jangimni qachon, qaerda va kimga qarshi o'tkazishimni ko'pchilik so'ramoqda. Hozir UFCdan taklif kutyapman. Tez orada yangilik bo'lib qolishi kerak. Ular yo'q deyishmagan. Ammo, hozircha shartnoma berishmadi. Keyingi jangimni qachon o'tkazishim UFCga bog'liq bo'lib qolyapti. Ko'ramiz, men jangchiman va istalga ligada "urush"ga tayyorman", - deydi Adashev.