Yangi mavsumda "Navbahor"ni kim boshqarishi aniq

Superliganing o'tgan mavsumida chempionat o'rtasida jamoadan haydalgan va mavsum yakuniga yaqin ishga qaytarilgan Kanchelskisning kelasi mavsumdagi faoliyati bo'yicha yakuniy qarorga kelingan.

Andrey Kanchelskisni istefo masalasini ko'rib chiqqan "Navbahor" rahbariyati yakunda rossiyalik mutaxassisni jamoa rulida qoldirishni maqul topdi. "Navbahor" bilan yana 2,5 yillik shartnomasi mavjud murabbiyni istefosi "Navbahor"ga 500-600 ming AQSH dollariga tushardi. 

CHunki, Kanchelskisning "Navbahor" bilan tuzgan shartnomasida tovon puli haqida alohida band ko'rsatilgan. SHu bois ham "Navbahor" rahbariyati yangi mavsumda ham Kanchelskisga imkoniyat berishga qaror qildi.

Eslatib o'tamiz, Kanchelskis "Navbahor" rulida jami 27 uchrashuv o'tkazdi. O'tkazilgan o'yinlarda 7 g'alaba, 11 durang va 9 mag'lubiyat qayd etilgan. To'plar nisbati: 24-28.

Qayd etish kerakki, agarda Kanchelskisning ehtimoliy istefosi ruy berganida, unda "Navbahor"ni boshqarish uchun mahalliy mutaxassislar ichidan Otabek G'ulomxo'jaev hamda "Nasaf" bosh murabbiyi sifatida uzluksiz 7 yildan buyon ishlab kelayotgan Ro'ziqul Berdiev nomzodi short-listdan o'rin olgandi.