“Yangi nafas” ommaviy yugurish marafoni sportsevar yoshlarni birlashtirdi FOTOGALEREYA

Mamlakatimizning 16 ta shahrida bir vaqtda tashkil etilgan sport tadbiri sog'lom turmush tarzi tarafdorlarini o'zida jamladi.

Musobaqa Toshkent shahrida 3 va 10 km, Nurafshon, Guliston, Andijon, Namangan, Farg'ona, Jizzax, Samarqand, Navoiy, Buxoro, Qorovulbozor, Termiz, Qarshi, G'uzor, Xiva va Nukus shaharlarida 3 km masofaga yugurish bahslari bo'yicha tashkil etildi.

Poytaxtimizda o'tgan tantanali ochilish marosimida so'z olgan rasmiylar bu kabi musobaqalarni o'tkazish anana tusiga kirib qolgani, bu orqali mamlakatimiz aholisi orasida sog'lom turmush tarzi targ'iboti yanada kuchayib borayotgani haqida to'xtalishdi.

Bellashuvlarda hamyurtlarimizdan tashqari qo'shni mamlakatlardan ham atletlar ishtirok etishdi. Toshkent shahrida o'tgan poygalarning g'olib va sovrindorlari ro'yxati quyidagicha ko'rinish oldi:

3 km, ayollar:
1. Anastasiya Silchenkova
2. O'g'iloy Muzaffarova
3. Marjona Oqqo'zieva

Erkaklar:
1. Hasan Mirsoatov
2. Ahrorjon Mahmujadiev
3. SHahram Abdurahmonov

10 km, ayollar:
1. Marina Xmelevskaya
2. Marjona Ahmadalieva
3. Alina Hakimova

Erkaklar:
1. Nodirbek Mutalipov
2. Baxtiyor Ortiqov
3. Eldiyor Qodirov