11 may 06:04
Yangiliklar

Zamonaviy beshkurash

Yangibozorda zamonaviy beshkurash bo'yicha O'zbekiston chempionati o'tkazildi

Toshkent viloyatidagi Yangibozor shaharchasida joylashgan sport maktabida zamonaviy beshkurashning bir qator turlari bo'yicha o'smirlar va kattalar o'rtasida O'zbekiston chempionati bo'lib o'tdi.

Musobaqa davomida sportchilar ikkikurash, uchkurash va to'rtkurash bo'yicha o'zaro bahs olib borishdi.

Qiziqarli o'tgan bellashuvlarda yurtimizning turli viloyatlari, shuningdek, Qoraqalpog'iston Respublikasidan tashrif buyurgan sportchilar g'oliblik yo'lida o'z mahoratlarini namoyish etishdi. Bahslar davomida murabbiylar shtabi terma jamoaga nomzod bir qator iqtidorli yoshlarni saralab oldilar.

CHempionat yakunida o'tgan taqdirlash marosimida Yuqori CHirchiq tumani hokimi Uskenbay Atemov, Bahromjon Gaziev boshchiligidagi O'zbekiston zamonaviy beshkurash federaciyasi raisi mutasaddilari ishtirok etib, g'olib va sovrindorlarga esdalik sovg'alarini taqdim qilishdi.