20 iyu 15:53
Yangiliklar

Velosport

Yanina Kuskova Osiyo chempionati sovrindori

Hindistonning Nyu-Deli shahrida velosportning trek yo'nalishida qita birinchiligi bo'lib o'tmoqda.

Musobaqada ishtirok etayotgan jamoamiz dastlabki medalini qo'lga kiritdi. Ayollar o'rtasida individual poyga dasturida bahs olib borgan Yanina Kuskova shohsupaning uchinchi pog'onasidan joy oldi.

Yurtdoshimiz bronza medali uchun kechgan poygada qozog'istonlik raqibasidan ustun keldi. Ushbu dasturda oltin medal koreyalik sportchiga nasib etgan bo'lsa, kumush medalni yaponiyalik atlet o'ziniki qildi.

Velotrek bo'yicha Osiyo chempionati. Ayollar, individual poyga:

1. Jumi Li (Koreya Respublikasi)

2. Kie Fukiyama (Yaponiya)

3. Yanina Kuskova (O'zbekiston)