Yilning so'nggi UFC turniri: UFC Fight Night 199 uchun PREVYU

Kechaning markaziy jangida super og'ir vazn toifasi jangchilari, so'nggi jangida chempionlikka asosiy davogar Siril Ganga imkoniyatni boy berib qo'ygan Derrirk Lyuis hamda divizion reytingida 7-o'rinni egallab turgan Kris Daukas oktagonga ko'tariladi. Derrik Lyuis xabaringiz bo'lsa bir vaqtlar hozirda toifa qiroli hisoblangan Frensis Ngannuni mag'lub etgan. Kris Daukas esa dog'istonlik SHamil Abdurahimov ustidan g'alaba qozongan. Ushbu jangdan so'ng har ikki sportchi ham reytingini yaxshilab olish imkoniyatiga ega. 

Ushbu oqshomda shuningdek, yarimo'rta vazn toifasi vakillari Stiven Tompson va Bilol Muhammad ham o'zaro kuch sinashishadi. Stiven Tompson Gilbert Byornsga yutqizib qo'yganidan so'ng diviziya reytingidagi o'rnini biroz yo'qotib qo'ydi. Yakshanba tongida g'alabaga erishsa, yana toplar qatoriga kirish imkoniyatiga ega bo'ladi. Bilol Muhammad esa ketma-ket 5 jangda g'alaba qozondi va bir jangi natijasi bekor qilindi. Aynan o'sha bahs kim bilan ekanligini bilasizmi? Uning raqibi hozirda chempionlikka asosiy davogar Leon Edvards edi. Bilol ham sekin-asta toplar qatoriga kirmoqda. Agar kutilaetgan bahsda g'alaba qozonsa, unga top-5 dagi raqiblar ro'baro kelishi mumkin.

Xafta so'ngida bizni mana shunday qiziqarli janglar kutmoqda. Turnir natijalarini esa Olamsport.com saytida kuzatib boring.

Akmal Eshboev tayyorladi