Yoqubboev asosiy raqibini engib, karvonboshiligini mustahkamladi

Aylana tarzda o'tkazilayotgan musobaqada 5 nafar xalqaro grossmeyster - Nodirbek Abdusattorov (2550, chempionatning birinchi raqamli ishtirokchisi), Saydali Yo'ldoshev (2469), Marat Jumaev (2451), Aleksey Barsov (2411) va Toxir Vohidov (2400) dona suryapti. 

O'ninchi turda yosh shaxmatchi chempionat peshqadami Nodirbek Yoqubboev oq donalarda harakat qilib, eng yaqin taqibchisi o'smirlar o'rtasida jahon chempioni Javohir Sindarovni mag'lubiyatga uchratdi. Dunyo tarixidagi eng yosh ikkinchi xalqaro grossmeyster bo'lgan Nodirbek Abdusattorov esa qora donalarda o'ynab, Abdumalik Abdusalimov bilan murosaga keldi. 

Bugun o'tkaziladigan 11-tur oldidan Nodirbek Yoqubboev 10 imkoniyatdan 7,5 ochko jamg'arib, yakka peshqadamga aylanib oldi. Qo'shimcha ko'rsatkichlarga ko'ra ikkinchi o'rinda borayotgan Nikita Xoroshev hisobida 6 ochko bor. Marat Jumaeva, Javohir Sindarov, Nodirbek Abdusattorov va Tohir Vohidov ham 6 ochkoga ega bo'lib turibdi.