Yoqubboev jahon chempionatida yana bir grossmeysterni mag'lub etdi

Erkaklar o'rtasidagi bahslarda uch nafar istedodli yosh shaxmatchilarimiz ham ishtirok etishyapti. Umumiy mukofot jamg'armasi 1 150 000 AQSH dollarini tashkil qiluvchi jahon chempionatining rapid yo'nalishida kecha bir nechta tur uchrashuvlari o'tkazildi. 

Hamyurtlarimizdan xalqaro master Nodirbek Yoqubboev hozircha so'nggisi bo'lib turgan 10-partiyada gruziyalik xalqaro grossmeyster Levan Panculayani mag'lubiyatga uchratdi. 

Amaldagi jahon chempioni norvegiyalik Magnus Karlsenni shov-shuvli tarzda mag'lubiyatga uchrata olgan xalqaro master SHamsiddin Vohidov 10-turda qora donalarda rossiyalik xalqaro grossmeyster Aleksey Saranaga imkoniyani boy berdi. 

Yosh grossmeysterimiz Nodirbek Abdusattorov rossiyalik yana bir xalqaro grossmeyster Konstantin Sakaevga yutqazib qo'ydi. Bugun 11-partiyada Yoqubboev qora donalarda gruziyalik grossmeyster Ivan Ivan CHeparinov, SHamsiddinov ukrainalik grossmeyster Eldar Gasanov, Abdusattorov esa rossiyalik grossmeyster Pavel Tregubovga qarshi dona suradi. 

O'ninchi partiyadan so'ng hamyurtlarimiz orasida eng yaxshi natijaga Nodirbek Yoqubboev ega bo'lib turibdi. U 6,5 ochko bilan 18-34 o'rinlarni egallab turibdi. Yani 18-pog'onadagi shaxmatchida ham 6,5 ochko bor. SHamsiddin Vohidov va Nodirbek Abdusattorov 5 ochkodan jamg'arishgan.