Yosh beshkurashchimiz Belarusdagi xalqaro musobaqada sovrindor bo'ldi

Unda U-11, U-13, U-15, U-17 yosh toifalaridagi sportchilar ishtirok etishdi.

O'zbekiston zamonaviy beshkurash federaciyasi matbuot xizmatining malum qilishicha, musobaqada ishtirok etish uchun ko'plab davlatlardan tashrif buyurgan 120 nafar yoshlar orasida hamyurtlarimiz ham o'z omadlarini sinab ko'rishdi.

Avval xabar berganimizdek, ayni paytda terma jamoamiz vakillari 10 fevraldan boshlab ushbu mamlakatda xalqaro o'quv-mashg'ulot yig'inida bo'lib turibdi. Yig'in doirasida yoshlarimiz belaruslik sportchilar bilan birga o'z mahoratlarini oshirish imkoniyatiga ega bo'lishmoqda.

Musobaqa yakunida yoshlarimizning natijasi ancha o'sganini etirof etish o'rinli. Ayniqsa, 15 yoshgacha bo'lgan o'smirlar toifasida qatnashgan Kira Soy o'z tengqurlari orasida uchinchi o'rinni qo'lga kiritgani murabbiylarimizda iliq taassurot qoldirdi. Yana bir hamyurtimiz SHerjon Ahmedov murosasiz raqobatda to'rtinchi natijani qayd etdi. Qolgan vakillarimiz garchi sovrinli o'rinlarga kira ololmagan bo'lsalar ham, xalqaro musobaqada ishtirok etish orqali o'z mahoratlarini yanada oshirishga erishdilar.