Yosh duatlonchilar ko'rigi

Bugungi kunda yurtimizda sportning ushbu turi tobora rivojlanib, ommaviylashib bormoqda. Bu respublika, viloyatlar, shahar va tumanlar miqyosida o'tkazilayotgan musobaqalar chog'ida o'z isbotini topmoqda. Jumladan, Urganch tumanidagi CHolish qo'rg'onida joylashgan o'quv-mashq sport maydonida duatlon bo'yicha o'tkazilgan Xorazm viloyati kubogining 1-bosqichi jarayonida ham  isbotini topdi. Unda vohaning tuman(shahar)larida faoliyat yuritayotgan 15 ta o'quv sport texnika klublarining 60 nafarga yaqin sportchisi o'zaro kuch sinashdi.

Etiborlisi,  musobaqaning barcha yo'nalishida Qo'shko'pir tumani duatlonchilar shohsupaning birinchi pog'onasini egallashdi. Jumladan, 2000-2002 yillarda tug'ilgan qizlar birinchiligida Havojon Rahimova, o'g'il bolalar musobaqasida Farrux Rajabov g'oliblikni qo'lga kiritdi.  2003-2003 yillarda tug'ilgan sportchilar bellashuvida Hamida Ozodova va Diyorbek Rajabov birinchi o'rinni egalladi. 

SHuningdek, katta yoshlilar birinchiligida Asalxon Masharipova(Bog'ot tumani), Zumrad O'rozmetova, SHavkat Jumaboev(ikkalasi Gurlan tumani). Sohibbek Rajabov(Xonqa tumani) sovrindorlar safidan joy olgan bo'lishsa, kichik yoshli duatlonchilar sinovida Ziyoda Jumamuratova, Alimardon Umarjonov(Qo'shko'pir tumani), Zuhra Ro'zimova(SHovot tumani), (Qo'shko'pir tumani) va Javohir Rajabov( Pitnak shahri) sovrinli o'rinlarni egallashdi.

Endilikda, yuqori natija ko'rsatgan xorazmlik yosh duatlon ustalari Respublika musobaqasida ishtirok qilishadi.

Ikrom Xudoyberganov