19 apr 16:00
Yangiliklar

O'q otish

Yosh merganlar Andijon shahrida yig'ilishdi

Teglar : O'q otish

Sportning texnik va amaliy turlariga mamlakatimiz yoshlarini qiziqtirish, ayniqsa olimpiya oilasiga kiruvchi sport turlari bo'yicha eng iqtidorli, umidli yoshlarni aniqlab Osiyo chempionatlari, Osiyo va Paraosiyo o'yinlari singari nufuzli turnirlarga yo'naltirish maqsadida Respublika texnik va amaliy sport turlari markazi tomonidan ham yillik sport tadbirlari taqvimi ishlab chiqilgan.

Andijonda pnevmatik quroldan o'q otish bo'yicha boshlangan yoshlar o'rtasidagi O'zbekiston kubogi musobaqalari ham ommaviy sport targ'iboti tadbirlari sirasiga kiradi. Musobaqalarning ochilish marosimida sport turining yoshlar salomatligida, manaviy-marifiy dunyoqarashining, intelektual salohiyatining o'sishida katta o'rin tutishi haqida so'z bordi.

-Oldimizdaga asosiy maqsad Argentinaning Buenos-Ayres shahrida o'tadigan o'smirlar o'rtasidagi III-yozgi Olimpiada o'yinlari va Indoneziyaning Djakarta va Plembang shaharlarida o'tadigan XVIII- yozgi Osiyo va Paraosiyo o'yinlarida munosib ishtirok etadigan sportchilarni saralab olish hamda ularni munosib tayyorgarlik olib borishlari uchun tayyorgarlik ko'rishdan iborat, -deydi Respublika texnik va amaliy sport turlari markazi bosh direktori SHarifjon Mo'minjonov.

Respublika texnik va amaliy sport turlari markazi hamda O'zbekiston o'q otish sporti federaciyasi hamkorligida tashkil etilayotgan musobaqada 100 dan ortiq yosh sportchilar O'zbekiston kubogining ikkinchi bosqichi g'olibligi uchun merganlik salohiyatlarini namoyish etishmoqda.