28 iyu 21:45
Yangiliklar

O'q otish

Yosh merganlar “Yoshlar kuni”ga bag'ishlangan musobaqada jam bo'lishdi + FOTO

Mamlakatimizda “Yoshlar oyligi” keng ko'lamda, bayramona tarzda nishonlanmoqda.

SHu munosabat bilan O'zbekiston Respublikasi Mudofaasiga ko'maklashuvchi “Vatanparvar” tashkiloti Xorazm viloyati kengashi tasarrufidagi tashkilotlar tomonidan turfa tadbirlar o'tkazilyapti.

Urganch shahrida faoliyat yuritayotgan viloyat texnik va amaliy sport turlari markazida Pnevmatik quroldan o'q otish sporti bo'yicha Xorazm viloyati hokimi sovrini uchun uyushtirilgan musobaqa ana shular sirasidan, albatta.

Mazkur birinchilikda vohaning 2003 yilda tug'ilgan va undan kichik yoshdagi 80 nafarga yaqin sportchisi merganlik mahoratini namoyish etdi.

Pnevmatik miltiqdan o'q otish bahsida Urganch tumani jamoasi azolari Kumushoy Rajabova qizlar birinchiligida, Temurbek Abdullaev o'g'il bolalar orasida g'oliblikni qo'lga kiritdi.

Pnevmatik to'pponchadan o'q otish bellashuvida esa Bog'ot tumanidan Laylo Sultonova va SHovot tumanidan Bekzod Komilov mos ravishda birinchi o'rinni egalladi.