Yosh shaxmatchilarimiz O'zbekiston chempionatida qancha pul ishlab olishdi?

Tajribali grossmeysterlarni ortda qoldirishga muvaffaq bo'lgan 16 yoshli shaxmatchi Nodirbek Yoqubboev 13 imkoniyatdan 9,5 ochko jamg'arib, O'zbekiston chempioniga aylandi. Nodirbek 2016 yilda ham mamlakat chempioni bo'lgan edi. 

Yigirma olti yoshga to'lgan Nikita Xoroshev 9 ochko bilan kumush, 13 yoshli Javohir Sindarov 8,5 ochko bilan bronza medaliga sazovor bo'ldi. O'zbekiston shaxmat federaciyasi g'olib hamda sovrindorlarga medal va diplomdan tashqari pul mukofotlarini ham taqdim etdi. 

Jumladan, O'zbekiston chempionligiga erishgan Nodirbek Yoqubboev 8 million sumga ega bo'ldi. Kumush medal sohibi Nikita Xoroshev 4 million, bronza medali sovrindori Javohir Sindarov ham 4 million so'mlik chekni qo'lga kiritdi. 

To'rtinchi o'rinni band etgan tajribali grossmeyster Marat Jumaev 2 million so'm, 5-7 pog'onalardan joy olgan Nodirbek Abdusattorov, Tohir Vohidov, Saidakbar Saydaliev o'z hamyonlarini 1 million so'mga boyitib olishdi.