“Yoshlar shaxmat taxtasi”da g'oliblar aniqlandi

To'rt kun davom etgan musobaqalarda diyorimizni turli hududlaridan tashrif buyurgan 168 nafar o'g'il qizlar g'oliblik uchun bellashishdi. Maktab, tuman, viloyat bosqichlaridan saralanib kelgan aql gimnastikachilari 6 guruhga bo'lingan holda ishtirok etishdi.

Bellashuvlarning dastlabki kunida Buxoro, Farg'ona, Navoiy viloyatlari hamda Qoraqalpog'iston Respublikasining yosh shaxmatchilari o'z imkoniyatlarini yaxshilab olishdi.

Yakuniy ochkolar natijasiga ko'ra, Buxoro viloyati jamoasi 1-o'rinni qo'lga kiritdi. 2-o'rin Navoiy viloyati yoshlariga nasib etdi. 3-o'rinni surxondaryolik shaxmatchilar band etishdi.

Musobaqa g'olib va sovrindorlariga Yoshlar ittifoqi Markaziy kengashi tomonidan tasis etilgan kubok va medallar, esdalik sovg'alar topshirildi.