Yoshlarimiz Gonkong U-21ni yirik hisobda mag'lub etib, 3-o'rinni egalladi

Singapur, Gonkong, Eron hamda O'zbekiston yoshlar terma jamoalari ishtirok etgan FAS U-21 International Challenge Cup uchinchi o'rini uchun kechgan bahsda O'zbekiston U-19 raqibi ustidan ishonchli g'alabaga erishdi.

Suxrob Nurilloev, Saidjamol Davlatjonov hamda Xojakbar Alijonov o'yinning dastlabki bo'limida bittadan gol kiritib, tanaffusga O'zbekistonning yirik hisobdagi ustunlik bilan chiqib ketishini taminladi.

Ikkinchi bo'lim avvalida Doston Ibragimov O'zbekiston yoshlar terma jamoasining yana bir goliga mualliflik qildi. SHundan so'ng o'yinda darvozalarga boshqa gol kiritilmadi.

SHu tariqa Jasur Abduraimov boshchiligidagi O'zbekiston yoshlar terma jamoasi ushbu xalqaro o'rtoqlik turnirida uchinchi o'rinni egalladi.

Takidlash kerakki, ushbu turnir O'zbekiston U-19 uchun 2016 yilning 13 – 30 oktyabr sanalari davomida Bahraynda bo'lib o'tadigan yoshlar o'rtasidagi Osiyo chempionatiga tayyorgarlikning navbatdagi bosqichi vazifasini o'tab berdi.

FAS U-21 International Challenge Cup

O'ZBEKISTON U-19 – GONKONG U-21 4:0

Gollar: Suxrob Nurulloev (12), Saidjamol Davlatjonov (23), Xojakbar Alijonov (45+1), Doston Ibragimov (53)