Yovich "Real" futbolchisi sifatida ilk fikrlarini bildirdi

Serbiyalik forvard "qirollik klubi"da bugun tibbiy ko'rikdan muvaffaqiyatli o'tdi.

"Hozirgi vaqtda men dunyodagi eng baxtli yigitman. Men eng katta klub bilan shartnoma imzoladim. Bu qarorni qabul qilish oson bo'lmadi, ammo men to'g'ri qadam tashlay oldim deb o'ylayman. "Real" ko'proq sovrin va yutuqlarni yutishi uchun qo'limdan kelgan barchasini qilaman", - deydi 21 yoshli o'yinchi.

Eslatib o'tamiz, Yovich o'tgan haftada "Ayntraxt" klubidan kelib qo'shilgan va 6 yillik shartnoma tuzgan. Transfer summasi esa 60 million evro atrofida baholanmoqda.