19 iyu 08:04
Yangiliklar
Engil atletika, Futbol
Yoz – 2018 sport musobaqalari boshlandi
Mamlakatimizning barcha hududlarida bo'lganidek, Toshkent viloyatining Zangiota tumanida ham ananaviy har yili o'tkazib kelinayotgan Yoz – 2018 sport musobaqalariga start berildi.
Futbol, engil atletika, armresling, shashka, stol tennisi, suzish, quvnoq startlar bo'yicha o'tkazilayotgan bahslarda 13-15 yoshgacha bo'lgan ming nafardan ziyod uyushmagan yosh g'oliblik uchun bellashmoqdalar.
Musobaqalarning dastlabki kunidagi 100, 400 m. masofaga bo'lgan yugurish bahslarida aka-uka Abror, Anvar Xudoyberdievlar, shuningdek, Dilshod Yarashev g'olib va sovrindorlar qatoridan o'rin olishdi.
– Hali yoshlar o'rtasidagi qiziqarli bahslar oldinda turibdi. Asosiy maqsad yozgi tatil paytida o'g'il-qizlarimizni bo'sh vaqtlarini mazmunli o'tkazishdir, – deydi Zangiota tuman Bolalar-o'smirlar sport maktabi rahbari Komiljon Odilov.
Bahslar shu yilning 22 iyul sanasigacha davom etadi.
Havola :
Manba : uza.uz
Fikrlar