Yozgi biatlon. Mamlakat birinchiligida g'oliblar aniqlandi

Musobaqada 100 nafarga yaqin sportchilar g'oliblik uchun kurash olib borishdi. 4000 metr masofada o'tgan sprint bahslarida farg'onalik Muzaffar Mamasoliev finishga 15 daqiqa 35 soniyada etib keldi. Asosiy raqobatchilari bo'lgan surxondaryolik Vitaliy Slastyon, samarqandlik Bunyod Muxiddinovlar ham kuchli uchlikka kirishdi. 

Qizlar o'rtasida 3000 metr masofada o'tgan sprintda esa finishga samarqandlik Madina Sagatova hamda Sevara CHorievalar, ularning ortidan uchinchi bo'lib poytaxt viloyati vakilasi Zuhra Halimova etib keldi.

Taqib etish poygasining o'g'il bolalar o'rtasidagi 6000 metr masofada o'tgan poygada yana kuchli  uchlikka Muzaffar Mamasoliev, Vitaliy Slastyon, Bunyod Muxiddinovlar kirishdi. 

Qizlar o'rtasida 5000 metr masofada o'tgan poygalarda Madina Sagatova taqibchilarini etib olishiga yo'l qo'ymadi. Ikkinchi o'ringa Zuhra Halimova ko'tarilyui Farg'onalik Irodaxon Olimova uchinchi bo'ldi. 

O'zbekiston chempionati yakunlariga ko'ra Samarqand viloyati vakillari umumjamoa hisobida birinchi, Toshkent viloyati vakillari ikkinchi, Farg'onalik sportchilar esa uchinchi o'rinni egallashdi.