Yurtimizda konkur bo'yicha FEI World Jumping Challenge musobaqasi o'tkazilmoqda

Qoidaga ko'ra ushbu «CHaqiriq kubogi» Xalqaro ot sporti federaciyasi tomonidan tanlab olingan jahonning turli «sport mintaqalari»dagi eng kuchli chavandozlar ishtirokida bo'lib o'tadi. 

Musobaqa finalida yil davomida o'z ligalarida g'olib va sovrindorlar qatoridan o'rin olgan sportchilar qatnashadilar. Umumiy qilib aytadigan bo'lsak, finalda 10 ta mintaqadan eng yaxshi 20 nafar sportchi ishtirok etadi.

Bu yilgi bahslarda 17 mamlakat vakillari o'z omadini sinab ko'rmoqda. Ular orasida o'zbekistonlik ikki nafar chavandoz ham bor:

Saidamir Turg'unboev – 2017 yili Gonkongda o'tkazilgan Osiyo chempionatining kumush medali sohibi.

Abdushukur Sobirjonov – shu yil oktyabr oyida Argentinada bo'lib o'tadigan III yozgi o'smirlar Olimpiya o'yinlari licenziyasini qo'lga kiritgan sportchimiz.

Musobaqalarning dastlabki kuni chavandozlar konkurda 115 va 120 sm balandlikdagi bahslarda ishtirok etishdi. Saralash konkuridan so'ng hamyurtimiz, «BABOS» ot sporti klubi azosi Saidamir Turg'unboev o'zining «Ambassador» laqabli otida, xech qanday jarima ochkolarisiz etakchilik qilmoqda.