Yurtimizda tennis bo'yicha uchta xalqaro turnir bo'lib o'tdi

Iyul oyida Andijonda o'tkazilgan “ITF ANDIJAN Chempionships Grade-5” xalqaro turniriga dunyoning 11 mamlakatidan sportchilar tashrif buyurdi.

Murosasiz va qiziqarli tarzda kechgan musobaqaning yakkalik bahslarida o'g'il bolalar o'rtasida final o'yinida Bekzod Rasamatov 6:4, 2:6 va 6:1 hisobida Azizbek Dadaboevdan ustun keldi. Juftlik bahslarida esa Azizbek Dadaboev hamda Ravshan Qodirovlar faxrli ikkinchi o'rinni egalladi.

Qizlar o'rtasida esa hamyurtimiz Setora Normurodova qozog'istonlik Mariya Sinicinani 6:2, 4:6, 6:0 hisobida mag'lub etdi. Juftlik bahslarida esa Omina Valixanova hamda Setora Normurodova uchinchi o'rin bo'ldi.

Navbatdagi turnir poytaxtimizda o'tdi.“ITF Junior Tashkent Grade-5” 22-27 iyul kunlari o'tgan birinchilikda o'g'il bolalar o'rtasida O'zbekiston terma jamoasi azosi Azizbek Dadaboev g'olib deb topildi. Qizlar o'rtasidagi yakkalik bahslarida Setora Normurodova bo'ldi. Juftlik bahslarining final o'yinida Farida Marimova hamda Darya Kornilova g'alaba qozondi.

“ITF Junior Tashkent Circuit Grade-3” turniri bahslari 29 iyul – 3 avgust kunlari bo'lib o'tdi.

Ushbu turnirning o'g'il bolalar o'rtasidagi juftlik bahslarida Azizbek Dadaboev va rossiyalik Ilarion Danilchenko juftligi faxrli birinchi o'rinni qo'lga kiritdi. Yakkalik bahslarida Nuriddin SHagiev uchinchi o'ringa sazovor bo'ldi.

Qizlar o'rtasida esa Respublika olimpiya zaxiralari tennis maktabi tarbiyalanuvchisi Setora Normurodova sovrindor bo'ldi.