Zagreb Gran-prisi. Dzyudochilarimizning omadsiz starti

Ushbu musobaqada o'zbekistonlik dzyudochilar ham ishtirok etishyapti. Gran-prining birinchi kuni -60 kg vazn toifasidagi vakilimiz Diyorbek O'rozboev ilk bahsidayoq slovakiyalik Matyaj Trbovichga imkoniyatni boy berib qo'ydi. Mazkur vaznda yaponiyalik Naoxisa Takato g'oliblik shoxsupasiga ko'tarildi. 

-66 kg vazn toifasidagi dzyudochimiz SHahram Ahadov uchinchi uchrashuvida yutqazdi. U avvaliga Saudiya Arabistoni vakili Abdulaziz Albashini, keyin belaruslik Dmitriy Minkouni taslim etdi. Ammo, uchinchi bosqichda rossiyalik Aram Grigoryanga imkoniyatni boy berib, musobaqadagi ishtirokini to'xtatdi. 

Aynan shu vaznda ishtirok etgan yana bir polvonimiz Sardor Nurullaev esa ikkinchi davrada yutqazdi. U Bosniya va Gercegoviniya vakili Petar Zadrodan ustun keldi, ammo qozog'istonlik Gumar Kirgizbaevga imkoniyatni boy berib qo'ydi. Bu vaznda isroillik Tal Flikker chempion bo'ldi. 

Bugun G'iyosjon Boboev, Hikmatilloh To'raev (ikkisi ham -73 kg vaznda),  SHarofiddin Boltaboev (-81 kg), Davlat Bobonov, SHahzodbek Sobirov (ikkisi ham -90 kg) o'z imkoniyatlarini sinovdan o'tkazishadi.