Zamonaviy beshkurash: Alise Faxrutdinova Jahon kubogida 14-o'rinni egalladi

Final bahslarida saralash bosqichidan muvaffaqiyatli o'tgan dunyoning eng kuchli 18 nafar sportchisi ishtirok etdi. Quvonarlisi, ular safida O'zbekiston vakilasi ham bor edi. Besh yo'nalishda o'tkazilgan bahslar natijasiga ko'ra, hamyurtimiz, Tokio-2020 yozgi Olimpiadasi qatnashchisi Alise Faxrutdinova 14-o'rinni egalladi.

Jahon kubogi g'olib va sovrindorlari:

1. Leva Serapinayte (Litva) – 1402,

2. Veronika Novotna (CHexiya) – 1394,

3. Ilke O'zyuksel (Turkiya) – 1385, ...

14. Alise Faxrutdinova (O'zbekiston) – 1338.

Malumot uchun: zamonaviy beshkurash musobaqalarining yangi formatiga ko'ra, endi bahslar uch kun davom etadi. Musobaqaning dastlabki kunida asosiy qilichbozlik yo'nalishi bo'yicha saralash bahslari o'tkazilsa, ikkinchi kungi bahslarda yarim final ishtirokchilari final yo'llanmalari uchun kurashadi. Nihoyat uchinchi kungi bahslarda finalchilar orasidan g'olib va sovrindorlar aniqlab olinadi.

Yarim final va final bahslarida yo'nalishlar tartibi quyidagicha: konkur (otda to'siqlardan sakrash), qilichbozlik (bonusli raund), suzish, lazer-ran.