05 apr 11:32
Yangiliklar

Zamonaviy beshkurash

Zamonaviy beshkurash bo'yicha murabbiylarimiz xalqaro sertifikat olishdi

Xalqaro zamonaviy beshkurash ittifoqi (UIPM ) va O'zbekiston zamonaviy beshkurash federaciyasi hamkorligida murabbiylar uchun professional sertifikat beruvchi o'quv kurslari tashkil etildi.

Unda Toshkent shahri, Qoraqalpog'iston Respublikasi, Andijon, Qashqadaryo, Navoiy, Samarqand, Surxondaryo va Toshkent viloyatlaridan jami 17 nafar murabbiy ishtirok etdi.

O'quv rejaga ko'ra darslar 14 ta nazariy va 4 ta amaliy mashg'ulotlardan iborat bo'ldi. Darslarni Moldova zamonaviy beshkurash federaciyasi prezidenti, faxriylar o'rtasida jahon chempioni, 4-darajadagi UIPM murabbiyi Aleksandr Vasilianov olib bordi.

Yakuniy imtihondan so'ng 17 nafar murabbiydan 10 tasi professional sertifikatga ega bo'ldi. Taqdirlash marosimida O'zbekiston zamonaviy beshkurash federaciyasi raisi Bahromjon Gaziev ishtirok etdi va murabbiylarimizni erishilgan yangi marra bilan qutlab o'tdi.