Zamonaviy beshkurash. Sportchilarimiz Osiyo o'yinlarida qilichbozlik bahslarini yakunlashdi

Bugun zamonaviy beshkurash bo'yicha bellashuvlar ham start oldi. Ushbu yo'nalishda ayollar o'rtasidagi bahslarda O'zbekiston terma jamoasi sharafini Alise Faxrutdinova va Samira Abzalova himoya qilmoqda. Hozircha beshkurashda qilichbozlik bahslari o'z yakuniga etdi. 

Unga ko'ra, Faxrutdinova 240 ochko bilan to'rtinchi, Abzalova esa 175 ochko bilan 16-o'rinni band etdi. Bahslarda 19 nafar sportchi ishtirok etmoqda. 

Endi sportchilarimiz qilichbozlik bo'yicha yana bir marta, shuningdek ot sporti, suzish va o'q otish bahslarida ishtirok etishadi. 

Mazkur musobaqalar yakuniga ko'ra eng ko'p ochko to'plagan uch nafar sportchi medallarga sazovor bo'ladi. 

Bugun shuningdek erkaklar o'rtasidagi bahslarda ham hamyurtlarimiz Doniyor Rahimov va Sadriddin Qobiljonov ishtirok etmoqda.