Zamonaviy beshkurash yangi o'zgarishlar bo'sag'asida

Yangi shakl 90 daqiqalik turnir tarzida bo'lib, Olimpiya tizimida (mag'lub musobaqani tark etadigan format) shaklida o'tkaziladi. UIPMning bayonotida bahslarning umumiy davomiyligini qisqartirish va bellashuvlarning jo'shqinligini kuchaytirish maqsadi ko'zlangani aytilgan.

UIPM prezidenti Klaus SHormann qabul qilingan bu qarorni quyidagicha sharhladi:

“Biz uzoq tarixiga ega sevimli sportimizning yangi davri bo'sag'asida turibmiz. Zamonaviy beshkurash Olimpiya o'yinlarida dastavval besh kunlik musobaqalar tarzida o'tardi. Atlantada (1996) bir kunlik musobaqalar shaklida o'tgan bo'lsa, Londonda (2012) biz lazerli o'q otishni yugurish bilan birlashtirdik. Tokiodan (2020) bitta besh kurash stadionida sportimizning hamma turlari bo'yicha musobaqalar bo'lib o'tadi. Endi esa hamjamiyatimizning barcha bo'limlari, XOQ, Parij-2024 Tashkiliy qo'mitasi va Olympic Broadcast Services (OBS) bilan ikki yil davomida ushbu masalani muhokama qilgandan keyin zamonaviy beshkurash musobaqalarining mutlaqo yangi – 90 daqiqalik shaklini taqdim etishga tayyormiz.

UIPMning prezidenti sifatida butun dunyodagi hamjamiyatimizga ushbu loyihani qo'llab-quvvatlaganlaridan minnatdorman. UIPM Ijroiya qo'mitasi yana bir bor innovaciyalarga sodiqligini namoyish etdi va biz siz bilan XOQga zamonaviy beshkurash musobaqalarining yangi shaklini, shuningdek, 2024 yilda Parijdagi yozgi Olimpiya o'yinlariga aralash estafeta yo'nalishini kiritish taklifini berishni sabrsizlik bilan kutmoqdamiz”.