Zamonaviy beshkurashchilarimiz jahon chempionati uchun Misrga etib borishdi

Misr tarafining taklifiga binoan mashg'ulotlar Arab ilm-fan va dengiz transporti texnologiyalari akademiyasida bo'lib o'tadi.

Akademiya bu borada barcha qulayliklarga ega bo'lib, ushbu sport turi bilan shug'ullanish, sportchilarning jismoniy va texnik tayyorgarligini kuchaytirish uchun zarur anjomlar bilan jihozlangan. Mashg'ulotlarni jamoa bosh murabbiyi Vadim CHudnovskiy olib boradi. Rejaga ko'ra, yig'in davomida boshqa ishtirokchi davlatlar bilan tajriba almashish ko'zda tutilgan.

Qayd etish joiz, mashg'ulotlardan so'ng yosh atletlarimiz 12-16 iyul kunlari Iskandariyada o'tadigan U-17 yosh toifasidagi jahon chempionatida ishtirok etishadi. SHu bois ushbu yig'in nafaqat Xanchjou-2022 Osiyo o'yinlari, balki bo'lajak dunyo birinchiligiga ham asosiy tayyorgarlik bosqichlaridan biri hisoblanadi.