Ziyodaxon Abdusattorova: "Medal uchun tish-tirnog'imiz bilan kurashamiz"

"Hissiyotlar juda ham hayajonli. Musobaqa ko'tarinki kayfiyatda o'tkazildi. Keyingi bosqichlarda ham yaxshi natijalar ko'rsatishga qo'ldan kelgancha harakat qilamiz. Aslini olib qaraganda, kamondan otish bo'yicha mustaqallik yillaridan keyin ilk bor yo'llanma qo'lga kiritildi. Bu juda ham uzoq kutilgan edi. Tokiodagi musobaqada ishtirok etishimiz uchun ozgina ballar etmay qolgan edi. Bu erda faqatgina eng kuchlilar yig'ilgan. Hamma oltin medal uchun kelgan. Biz ham qo'limizdan kelganicha, tish-tirnog'imiz bilan kurashamiz", dedi Abdusattorova.

U bugun bo'lib o'tgan ayollar o'rtasidagi saralash bahsida 649 ochko bilan 34-natijani qayd etgan edi. Endilikda sportchimiz 31 iyul kuni 1/32 final bahsini o'tkazadi.