LeBron Jeyms: "Bu mavsumda men qo'limdan kelganini qildim! Kuzda yana ko'rishguncha”

Jeyms Milliy basketbol associaciyasining muntazam chempionati doirasidagi navbatdagi o'yinlarida jamoasiga yordam bera olmaydi. Avvalroq, basketbolchining to'pig'idagi jarohati o'yinlarda ishtirok etolmasligiga sabab bo'layotgani aytilgan edi.

"Men buni qadrlayman va barchangizni yaxshi ko'raman! Bu mavsumda men qo'limdan kelganini qildim! Kuzda yana ko'rishguncha”, — deb yozdi Jeyms Twitter'dagi sahifasida.

37 yoshli forvard 27 mart kuni "Nyu Orlean"ga qarshi o'yinda chap oyoq to'pig'ini shikastlab olgan edi. Joriy mavsumda  LeBron NBA'ning 56 o'yinida o'rtacha 30,3 ochko, 8,2 riband (halqadan qaytgan to'pni egallash) va 6,2 samarali uzatmani amalga oshirdi.