“O'zbegim otlari” majmuasi ot sporti bo'yicha xalqaro musobaqaga mezbonlik qildi

Toshkent viloyati O'rtachirchiq tumanida joylashgan «O'zbegim otlari» majmuasida, Xalqaro ot sporti federaciyasi (FEI) va O'zbekiston yilqichilik va ot sporti federaciyasi hamkorligida o'tkazildi.

Musobaqada Qozog'iston, Qirg'iziston, Turkmaniston davlatlaridan kelgan chavandozlar qatori O'zbekiston Respublikasi CHegara qo'shinlari harbiy xizmatchilari va yurtimizning boshqa mohir chavandozlari Ahaltaka, Qorabayir va arab zotdor otlarida ishtirok etishdi.

Ushbu bellashuv otlarni chiniqtirish, uzoq masofaga yurishda chavandoz va otning yirik turnirlardan oldin tayyorgarligini aniqlash uchun tashkil etildi. Musobaqaga xalqaro toifadagi, FEIdan kelgan maxsus hakamlar hayati raislik qildi.

Ahamiyatlisi, unda «Poshshoxon» laqabli otda o'z imkoniyatini sinab ko'rgan O'zbekiston yilqichilik va ot sport federaciyasi raisi Bahromjon Gaziev ikkinchi natijani qayd etdi. Musobaqa g'olibligi Oleg Saratsevga nasib etgan bo'lsa, kuchli uchlikni Zikrillo Rixsiboev band etdi.

1. Oleg Saratsev («Motivxon», ot laqabi);

2. Bahromjon Gaziev (Poshshoxon);

3. Zikrillo Rixsiboev (Arfist).