So’nggi yangiliklar

19:25Алекс Перейра: "Агар Анкалаев мен қандай жароҳат билан жанг қилганимни билганида эди..." 0 19:04ФИФА Трампнинг ЖЧ-2026 ўйинлари Бостондан кўчирилиши ҳақидаги баёнотига жавоб берди 0 18:43Термизда Ўзбек жанг санъати бўйича Ўзбекистон Кубоги бўлиб ўтмоқда 0 18:22Топурия Оқ уйдаги жанг учун рақибни айтди. Амалга ошса, йил жанги бўларди-ку! 0 18:01Ейбог ва Айрапетян Жаҳон турининг иккинчи босқичида ҳам иштирок этади. Уларнинг Монреалдаги илк босқичда натижалари қандай бўлди? 0 17:40"Сўғдиёна" футболчисига Германиянинг қайси клуби қизиқаётгани маълум 0 17:19Умар Нурмагомедов: "Хабиб билан тенглашиш?" 0 16:58Алекс Перейра MMAдан кетгач, қайси спорт турида шуғулланишини айтди 0 16:37Хамзат Чимаев фаолиятидаги энг оғир лаҳза ҳақидаги саволга жавоб берди 0 16:16Тимур Кападзе Индонезиянинг қизиқишлари ҳақида нималар деди? 0 15:55Баҳрайнда Ўзбекистон делегациясининг штаби ўз фаолиятини бошлади 0 15:34Умар Нурмагомедов: UFC чемпионлиги ёки Двалишвили билан реванш? Мен кўпроқ қасос олмоқчиман 0 15:13Саидёқуб Қаҳрамонов ва Холмурод Нурматов жанг қиладиган ACA 194 турнирининг тўлиқ карди маълум бўлди 0 14:52ФИФА 2026 йилги жаҳон чемпионати учун сотилган чипталар сонини эълон қилди 0 14:31Медеведев Қозоғистондаги турнирда муваффақиятли старт олди 0

03 iyu 18:14
Yangiliklar

Boshqalar

Taniqli tadbirkor Murod Nazarov O'zbekistondagi sport federaciyalaridan birining raisiga o'rinbosar bo'ldi

Kecha Toshkent shahrida O'zbekiston polo federaciyasining yillik hisobot-saylov konferenciyasi bo'lib o'tdi.

Kun tartibidagi asosiy masalalar O'zbekiston polo federaciyasi rais o'rinbosarlari va Bosh kotibining yangi tarkibini saylash bo'ldi. O'zbekiston polo federaciyasi raisi Bahromjon Gaziev tabrik so'zi va 2021-2022 yillar davomida amalga oshirilgan ishlar to'g'risida hisobot berdi. Anjumanni O'zbekiston MOQ Bosh kotibi Oybek Kosimov va O'zbekiston polo federaciyasi raisi o'rinbosari Kseniya G'ulomova olib bordi.

Federaciya raisi o'rinbosari lavozimiga birinchi nomzodni Bahromjon Gaziev taqdim etib, yirik qurilish tashkilotlarini boshqarishda katta va samarali tajribaga ega Murod Nazarovni jamiyatda obro'-etiborli, sport doiralarida malakali shaxs sifatida saylashni tavsiya qildi. O'zbekiston Milliy media associaciyasi raisi SHerzodxon Qudratxo'ja nomzodni qo'llab-quvvatlash maqsadida so'zga chiqib, Murod Nazarovning ijobiy fazilatlari, professional tajribasini qayd etdi.

So'ngra O'zbekiston polo federaciyasi raisi o'rinbosari lavozimiga Toshkent shahridagi Xalqaro Vestminster universitetining Karerani rivojlantirish markazi va bitiruvchilar bilan hamkorlik bo'limi rahbari Mirziyod Majidiy nomzodi ilgari surildi. Taniqli tadbirkorlar Zafar Hoshimov va Xasan Mamasaidovlar uning nomzodini qo'llab-quvvatlab, Mirziyod Majidiyga ijobiy tavsif berdilar.



O'zbekiston polo federaciyasi bosh kotibi lavozimiga Akbar Asqarov nomzodi ilgari surildi. O'zbekiston polo federaciyasi raisi maslahatchisi Yakov Ribalskiy Akbar Asqarov haqida ijobiy sharh qayd etdi.


Anjuman ishtirokchilari taklif etilgan barcha nomzodlarga ovoz berishi natijasida Murod Nazarov va Mirziyod Majidiy O'zbekiston polo federaciyasi raisining yangi o'rinbosarlari etib, Akbar Asqarov bosh kotib etib saylandi.

O'zbekiston polo federaciyasi 2020 yil 10 oktyabrda tashkil etilgan. Federaciya ochilganidan buyon qisqa vaqt o'tganiga qaramay, polo faol ravishda ommalashib bormoqda va yoshlarda katta qiziqish uyg'otmoqda. SHuningdek, polo rivojlanishiga hukumat tomonidan alohida etibor qaratilmoqda: O'zbekiston Respublikasi Prezidentining 2021-yil 11-martdagi 5024-sonli “Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish bo'yicha qo'shimcha chora-tadbirlar to'g'risida”gi qarori qabul qilindi, uning natijasidapolo sportining rivojlanishi yangi bosqichga ko'tarildi. Federaciya tomonidan anjuman davomida taqdim etilgan rejalarning amalga oshirilishi O'zbekistonda polo sportini ommalashtirishga katta hissa qo'shishi kutilmoqda.

Federaciya ananaviy va qor polosini rivojlantirishni qamrab oladi. Ayni paytda O'zbekistonda polo bo'yicha 12 ta professional jamoa faoliyat ko'rsatmoqda, shu jumladan ayollar pololigasida15 nafar sportchi ishtirok etmoqda.

Xalqaro polo federaciyasi - FIP 1982 yilda Argentinaning Buenos-Ayres shahrida tashkil etilgan. 2021 yilda O'zbekiston polo federaciyasi Markaziy Osiyodagi yagona rasmiy FIP azosiga aylandi.

Polo O'rta Osiyo hududi bilan bog'liq bo'lgan boy tarixga ega, u birinchi ming yillik o'rtalarida jamoaviy o'yin – chovg'on tarzida vujudga kelgan. CHovg'on asrlar davomida O'rta Osiyo, Ozarbayjon, Eron, Iroq va qo'shni turkiy mamlakatlarda juda mashhur bo'lgan. Qadimgi miniatyuralarda o'yinning parchalari tasvirlangan, tarixiy qo'lyozmalarda o'yinning batafsil tavsifi va qoidalari berilgan. Ilk xalqaro chovg'on musobaqalari chavandozlar o'rtasida o'tkazilgan.


O'zbekiston polo federaciyasi matbuot xizmati



Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing