17 yoshli Mirra Andreeva BNP Paribas Open chempioni!

Hal qiluvchi final uchrashuvida WTA reytingida 11-pog'onani band etgan Mirra Andreeva dunyoning birinchi raketkasi belaruslik Arina Sobolenkoga qarshi kortga chiqdi. Ikki soatu olti daqiqa davom etgan bahsda 17 yoshli rossiyalik iqtidor egasi irodali g'alabaga erishdi - 2/6, 6/4, 6/3.

Tennischilarning o'zaro uchrashuvlarida ham Arina oldinda bormoqda - 4:2. Andreeva 6, Sobolenko 1 ta eys zarbasini amalga oshirgan. Qo'shxatolar va breyklar bo'yicha ham ustunlik mos ravishda 2 ga 1 hamda 4 ga 3 ko'rinishida Mirra foydasiga bo'ldi. 

SHu tariqa, Mirra Andreeva ketma-ket ikkinchi bor WTA 1000 toifasiga kiruvchi turnir chempioniga aylandi. U fevral oyida Dubay turnirida ham bosh sovringa ega chiqqandi. 17 yoshli Andreeva Martina Xingis (1998) va Serena Uilyams (1999)dan keyingi eng yosh BNP Paribas Open chempioni bo'ldi.

Indian-Uellsdagi muvaffaqiyatli ishtirok unga 1000 reyting ochkosi hamda 1 million 127 ming 500 AQSH dollari miqdorida mukofot pulini keltirdi. Sobolenko esa 650 ochko hamda 599,625 dollar ishlab oldi.