22 jan 18:37
Yangiliklar

SHaxmat

18 000 dollarlik "Markaziy Osiyo kubogi"da SHamsiddin Vohidov peshqadam bo'lib turibdi + FOTO

Poytaxtimizda umumiy mukofot jamg'armasi 18 ming AQSH dollari bo'lgan “Central Asia Chess Cup 2023” xalqaro shaxmat turniri davom etmoqda.

Turnirda Qozog'iston, Qirg'iziston, Tojikiston, Turkmaniston va O'zbekistondan 57 nafar shaxmatchi g'oliblik uchun bahsga kirishgan. Musobaqaning 6 ta turi ortda qoldi. Uning natijalariga ko'ra, hamyurtimiz SHamsiddin Vohidov 6 imkoniyatdan 5,5 ochko to'plagan holda peshqadam bo'lib turibdi. Peshqadamdan keyingi o'rinlarni 7 nafar shaxmatchi egallagan. Barchasida bir xil natija: 4,5 ochko. Ular Ortiq Nig'matov, Saidakbar Saydaliev, Bobir Sattorov (O'zbekiston), Azamat Utegaliev, Ramazon SHalmaxanov, Murtas Kashgaliev (Qozog'iston), Mustafaxo'ja Xusenxo'jaev (Tojikiston).

Qizlar orasida 4 ochko bilan Nilufar Yoqubboeva (O'zbekiston) peshqadamlikni saqlab turibdi.

"Markaziy Osiyo kubogi" 24 yanvarga qadar davom etadi.

Bellashuvlardan suratlarni tomosha qiling.

Muallif: Alimurod Mamadaminov