24 jan 19:50
Yangiliklar

SHaxmat

18 ming dollarlik turnirda SHamsiddin Vohidov va Nilufar Yakubboeva g'olib chiqdi + FOTO

Teglar : SHaxmat

Poytaxtimizda umumiy mukofot jamg'armasi 18 ming AQSH dollari bo'lgan “Central Asia Chess Cup 2023” xalqaro shaxmat turniri nihoyasiga etdi.

Turnirda Qozog'iston, Qirg'iziston, Tojikiston, Turkmaniston va O'zbekistondan 57 nafar shaxmatchi g'oliblik uchun bahsga kirishgandi.

Erkaklar o'rtasida 9 imkoniyatdan 8 ochko jamg'argan hamyurtimiz SHamsiddin Vohidov turnir g'olibi bo'ldi. Keyingi o'rinlar Ortiq Nig'matov (O'zbekiston) va Azamat Utegaliev (Qozog'iston) ga nasib etdi. Ikkalasida ham bir xil - 6,5 tadan ochko bor. Qizlar orasida esa 5,5 ochko bilan Nilufar Yakubboeva (O'zbekiston) g'oliblik shohsupasining eng yuqori pog'onasidan o'rin egalladi.

Jamoaviy bahslarda O'zbekiston jamoasi 1-o'rinni egalladi. Qozog'iston va Tojikiston shaxmatchilari keyingi o'rinlarga munosib ko'rildi.