18 yoshli 18-raketka "Rolan Garros"da muvaffaqiyatli start oldi

Dunyoning 18-raketkasi bo'lib turgan amerikalik Kori Goff Franciya Ochiq chempionatining birinchi davrasida WTA reytingining 116-pog'onasini egallab turgan kanadalik Rebekka Marinodan ustun keldi - 7/5, 6/0.

Sakson ikki daqiqa davom etgan bahsda AQSH vakilasi 1 ta eys, 6 ta breykni amalga oshirib, 10 ta qo'shxatoga yo'l qo'ydi. Kanadalik tennischi esa 2 ta eys, 2 ta breyk va 3 ta qo'shxato qayd etdi. Bu tennischilarning o'zaro o'tkazgan ilk uchrashuvi edi. Endi Goff belgiyalik Alison van Uytvankka qarshi kortga chiqadi. Alison o'z o'rnida amerikalik Enn Lini irodali g'alaba evaziga taslim etdi.