18 yoshli Alkaraz jahonning 11-raketkasiga aylangan yangilangan reytingda tennischilarimiz pastlashda davom etadi

Reytingning Top-10 ligida bir nechta o'zgarishlar kuzatildi. Germaniyalik Aleksandr Zverev ispaniyalik Rafael Nadalni Top-3 dan chiqarib yubordi. Nadal esa mos ravishda 4-pog'onaga joylashdi. Mayami "Masters"i finalchisi norvegiyalik Kasper Ruud 1 pog'onaga ko'tarilib, 7-o'ringa joylashdi. U rossiyalik Andrey Rublyov bilan o'rin almashdi. Buyuk Britaniya vakili Kameron Norri esa kuchli o'nlikka kiriishga muvaffaq bo'ldi. Reytingni serbiyalik Novak Jokovich boshqarib bormoqda. 

Mavsumning ikkinchi "Masters" turnirida zafar quchgan 18 yoshli Karlos Alkaraz o'z o'rnidan 5 pog'ona yuqorilab, jahonning 11-raketkasiga aylandi. 

Mamlakatimizning birinchi raketkasi Denis Ismomin yangilangan reytingda 8, Humoyun Sultonov esa 10 pog'onaga pastladi. Eng kuchli pasayish Sanjar Fayzievda kuzatildi. Tennischimiz 51 o'rin pastladi. Sergey Fomin esa reytingda yaxshigina yuqorilashga erishdi. U o'z o'rnidan 64 pog'ona ko'tarildi. Jo'rabek Karimov ham 2 o'rin yuqoriladi, ammo Karimov afsuski, Top-1000 dan ham chiqib ketgan.

ATR reytingi. 4. 04. 2022 holatiga ko'ra:

1. (1) Novak Jokovich (Serbiya) - 8420 ochko
2. (2) Daniil Medvedev (Rossiya) - 8410
3. (4) Aleksandr Zverev (Germaniya) - 7195
4. (3) Rafael Nadal (Ispaniya) - 7115
5. (5) Stefanos Cicipas (Greciya) - 5980
6. (6) Matteo Berrettini (Italiya) - 4945
7. (8) Kasper Ruud (Norvegiya) - 4380
8. (7) Andrey Rublyov (Rossiya) - 4375
9. (9) Feliks Oje (Kanada) - 3625
10. (12) Kemeron Norri (Velikobritaniya) - 3440
11. (16) Karlos Alkaraz (Ispaniya) - 3411

O'zbekistonlik tennischilarning ATR reytingidagi o'rni:

293 (285). Denis Istomin - 168

438 (428). Humoyun Sultonov - 89

574 (523). Sanjar Fayziev - 62

788 (852). Sergey Fomin - 22

1181. (1079) Jo'rabek Karimov - 8