03 iyu 09:30
Yangiliklar

Tennis

18 yoshli Kori Goff Franciya Ochiq chempionati finaliga chiqdi

Amerikalik 18 yoshli tennischi Kori Goff Parijda davom etayotgan Roland Garros turnirining ilk final ishtirokchisiga aylandi.

Goff yarim finalda Italiya vakilasi Martina Trevizanni 6/3, 6/1 hisobida mag'lub etdi. Uchrashuv 1 soatu 26 daqiqa davom etgan. Bahs davomida Korri bitta eys, ikkita qo'shxato va oltita breykni amalga oshirdi. Trevizan esa to'rtta qo'shxato va ikkita breyk qayd etdi.

Kori Goffning bosh sovrin uchun uchrashuvdagi raqibasi sayyoramizning birinchi raketkasi, polshalik Iga Svyontek bo'ladi. U turnirning yarim finalida WTA reytingida 20-o'rinni egallab turgan rossiyalik Darya Kasatkinadan ustun kelgan.