19 yoshli Kori Goff US Open 2023 g'olibasi FOTOGALEREYA

Bu 19 yoshli Koko uchun faoliyatidagi ilk "Katta Dubulg'a" chempionligi bo'ldi. Goff hal qiluvchi final uchrashuvida dunyoning ikkinchi raketkasi bo'lib turgan belaruslik Arina Sobolenkoni uch set natijasiga ko'ra mag'lubiyatga uchratdi - 2/6, 6/3, 6/2.

Ikki soatu 6 daqiqa davom etgan bahsda Goff 2, Sobolenko 4 ta eys zarbasini amalga oshirdi. Qo'shxatolar Arinada bittaga ko'proq bo'ldi - 6 ga 5. Breyklarda esa Goff ustunlik qildi - 5 ga 4. Tennischilarning o'zaro uchrashuvlarida amerikalik peshqadamlik qilyapti - 4:2. 

Kori Goff mavsumdagi to'rtinchi, faoliyatidagi oltinchi sovrinini qo'lga kiritdi. Amerikalik iqtidor egasi Nyu-Yorkdagi ikki haftalik mehnatidan 2000 reyting ochkosi va 3,000,000 AQSH dollari miqdoridagi mukofot puli ishlab oldi. Vice-chempioni Sobolenko esa 1300 ochko va 1,500,000 dollarga ega bo'ldi.