2018 yoki 2019 yil Toshkent xokkey klubi KXLda o'ynashi mumkin

Yaqin ikki mavsumda KXLga Toshkent klubi azo bo'lishi mumkin. Bu haqda olamsport.com Rossiya matbuotiga tayanib xabar berdi.

Yanvar oyi oxirida O'zbekiston poytaxtida Humo Arena muz saroyi qurilishi boshlandi. Ushbu sport kompleksi 12 ming tomoshabinga mo'ljallangan. Saroy 2018 yil kuz faslida tugashi kutilmoqda.

Ushbu saroy ishga tushgach Binokor xokkey klubining KXL ligasidagi o'yinlarini qabul qiladi.

Klubni ERIELL kompaniyasi moliyalashtirishi kutilmoqda.

Sobiq ittifoq davrida Binokor 1973-1988 yillarda birinchi ligada ishtirok etgandi.

Ayni paytda KXLda 7 mamlakatdan 27ta klub ishtirok etmoqda – Rossiya, Belarus, Qozog'iston, Latviya, Xitoy, Finlyandiya va Slovakiya. 2017/18 yilgi mavsum yakunida uchta klub ligani tark etadi.