60 yoshni qarshi olgan Po'lat Usmonovga MOQning esdalik medali taqdim qilindi

Bugun O'zbekiston Milliy Olimpiya qo'mitasida Po'lat Akramovichni taqdirlashga bag'ishlangan tadbir o'tkazildi. Unda MOQ Bosh kotibi Oybek Kasimov, Qo'mita raisi o'rinbosari SHerzod Tashmatov, O'zbekiston sport faxriylari kengashi raisi Bahodir Maxsitov, bir guruh sport fidoyilari, yubilyarning shogirdlari va OAV vakillari ishtirok etishdi.

Dastavval Oybek Omilovich hamda SHerzod Rixsibaevich so'z olib, P.Usmonovning uzoq yillardan beri yurtimiz sporti rivojiga qo'shib kelayotgan hissasi, xususan, O'zbekiston taekvondo ITF va O'zbek jang sanati federaciyalaridagi ko'p yillik faoliyati haqida to'xtalib o'tishdi. Ayniqsa, milliy sport turlarimizni tiklash va ularni yoshlar orasida keng targ'ib qilishdagi jonbozligi haqida alohida gapirishdi. SHundan so'ng ananaga muvofiq, Po'lat Akramovichga MOQning esdalik medali topshirildi.

Tadbir davomida Kengash raisi Bahodir Maxsitov, Kasaba uyushmalari federaciyasi masuli Bahodir Tadjiev, Milliy Paralimpiya qo'mitasi vakillari hamda yubilyarning shogirdlari ham so'zga chiqib, Po'lat Usmonovga o'zlarining samimiy dil-izhorlari yo'llashdi. Ko'rsatilgan bunday etibor va g'amxo'rlikdan mamnun bo'lgan P.Usmonov bundan keyin ham yoshlarimiz orasida milliy sport turlari va sog'lom turmush tarzi targ'ibotini kuchaytirish yo'lida bor kuch-g'ayratini ishga solishga vada berdi.