IV Yozgi Yoshlar Olimpiadasida dzyudo bahslari start oldi

Kechadan musobaqa dasturidan o'rin olgan dzyudo bahslari boshlandi. Olimpiya o'yinlarida har bir davlatdan faqat bir nafardan dzyudochi qatnashishiga ruxsat berilgan. Qizlar -44, -52, -63, -78, o'g'il bolalar esa -55, -66, -81, -100 kg vazn toifalarida Olimpiada medallari uchun bahslarga kirishgan. 

Xabar berganimizdek, Yoshlar Olimpiya o'yinlarida O'zbekiston sharafini Jo'rabek Eshpo'latov himoya qiladi. -100 kg vazn toifasidagi dzyudochimiz ishtirokidagi bellashuvlar ertaga bo'lib o'tadi. Jo'rabek qura natijasiga ko'ra ilk davrada tailandlik CHinon Kanisornga qarshi tatamiga chiqadi.